సిసలైన ప్రజాకవి కాళోజి

                                                                         

                             

ప్రజల హృదయాలకు బాసటగా నిలిచి అన్యాయంపై నిగ్గదీయటం తన జన్మహక్కని చాటిన గొప్ప మానవతావాది, ప్రజాస్వామ్య వాది ప్రజాకవి కాళోజి జయంతి నేడు. కన్నెర్ర చేసినా కన్నీళ్ళు పెట్టుకున్నా గుండె తడితో దుర్మార్గాలు, దమననీతిపై గుండెలవిసేలా పోరాడిన సిసలైన ప్రజాకవి కాళోజి శతజయంతి ఉత్సవాలకు ముగింపు సందర్భంగా ఆ మానవతావాదిని స్మరించుకునే సందర్భమిది. వ్యక్తి స్వాతంత్ర్యం కోసం ఉక్కుపిడికిలి భిగించి "నవయుగంబున నాజీవృత్తుల నగ్నసత్యమింకెన్నాళ్ళు.,   పోలీసు అండను దౌర్జన్యాలు పోషణ బొందేదేన్నాళ్ళు.,      దమననీతితో దౌర్జన్యాలకు   దాగిలిమూతలు ఇంకెన్నాళ్ళు"  ....  అంటూ నిజాం పాలనలో పోలీసుల దౌర్జన్యంపై ప్రజాసమూహాలకు బాసటగా నిలిచి కలాన్ని ఆయుధంగా చేసి పోరాడిన ఉక్కుమనిషి మన కాళోజీ నారాయణరావు

అన్యాయాలకు వ్యతిరేకంగా గుండె చూపి పోరాడిన దీశాలి...
సిరాచుక్కలతో లక్షల మెదళ్లను కదిలించిన పోరాటశీలి....
జనం భాషతో జనపదాల్ని కదిలించిన కార్యశీలి...
స్వేచ్చాప్రియత్వం కోసం నిర్భీతితో పోరాడిన ప్రజాస్వామ్యవాదికిదే నా నివాళి!