బ్లాగు మిత్రులందరికీ దసరా శుభాకాంక్షలు. దసరా అంటే పది రాత్రులని అర్ధం. నిజానికి నవరాత్రులు...అంటే తొమ్మిది రాత్రులు. చివరి రోజయిన దశమి తిధి తో కలిపి మొత్తం పది రోజులు. ఈ పండగ శరత్కాలంలో వస్తుంది. అందుకే శరన్నవరాత్రులు అయ్యాయి. ఆశ్వయిజ మాసంలోని శుక్ల పక్షంలో మొదటి దినమైన పాడ్యమి నుంచి నవమి దాకా జరిపేవే శరన్నవరాత్రులు. వీటినే శారద నవరాత్రులని కుడా అంటారు. దుర్గ, లక్ష్మి, సరస్వతి అనే వరుసలో నవరాత్రి పూజలు జరుగుతాయి. వీటిని దేవీ నవరాత్రులని కుడా వ్యవహరిస్తారు. వసంత కాలంలో కాకుండా శరత్కాలంలో చేసే దేవీ ఆరాధన అయినందున ఈ పండగను అకాల్ బోధన్ అని బెంగాలీయులు అంటారు. అత్యాశ, గర్వం, కోపం, దురాశ, ఆకర్షణ, మోహం, ద్వేషం, అసూయ, స్వార్ధం, క్రూరం.... ఈ దశ దుర్గుణాలను చిహ్నంగా భావించే పది తలల రావణ సంహారాన్ని పలు ప్రాంతాల్లో విజయ దశమిగా జరుపుకుంటున్నాము. దసరా పండుగ సందర్భంగా ప్రతి ఒక్కరికీ మరోసారి శుభాకాంక్షలు.
No comments:
Post a Comment