ఇప్పటి వరకు నెట్లో తెలుగు కీబోర్డ్ కోసం నానా తంటాలు పడుతున్న వారికి ఒక శుభవార్త. యూనికోడ్ లో శాశ్వత సభ్యత్వం తీసుకున్న భాషగా తెలుగు సంచలనం సృష్టించింది. ఇకపై తెలుగు భాష కోసం శాశ్వత ప్రమాణాలతో కూడిన కీబోర్డ్ సైతం అందుబాటులోకి రానుంది.ఆంధ్ర ప్రదేశ్ ప్రభుత్వం తీసుకున్న ఈ చొరవ వల్ల తెలుగు భాషకు ఈ గౌరవం దక్కింది.అలానే యూనికోడ్ లో శాశ్వత సభ్యత్వం పొందిన తొలి ప్రభుత్వంగా రాష్ట్ర సర్కారు నిలిచింది.పూర్తిస్థాయి సభ్యత్వం రావడంతో అడోబ్, ఆపిల్, గూగుల్, మైక్రోసాఫ్ట్, ఒరాకిల్,యాహూ, తదితర పారిశ్రామిక ఐ.టి. దిగ్గజాల సరసన ఆంధ్ర ప్రదేశ్ ప్రభుత్వం పేరు నిలిచింది. దీనివల్ల ఇంటర్నెట్ తెలుగు లిపిలో ఉన్న పొరపాట్లను సరిదిద్ది మంచి ప్రమాణాలకు అనుగుణంగా కొత్తగా 6 ఇంటర్నెట్ అక్షర లిపిలను రూపొందిస్తారు.ఈ ప్రాజెక్ట్ కోసం రాష్ట్ర ఐ.టి.శాఖ రూ.61 లక్షలు ఖర్చు చేయనుంది. శాశ్వత సభ్యత్వం కోసం ఏటా 15 వేల డాలర్లు చెల్లించనున్నారని వార్త. కొత్తగా ఇంటర్నెట్ లో రూపొందించనున్న ఫాంట్లను ఉచితంగా డౌన్ లోడ్ చేసుకోవచ్చు. అలానే తెలుగులో వెబ్ సైట్లు వెతకడానికి ఓ ప్రత్యేక బౌజర్ ను కూడా తీసుకురావాలనే ఆలోచనలో ప్రభుత్వం ఉందని తెలిసింది.తెలుగు కీబోర్డ్ లో స్పెల్ చెక్ కూడా పెట్టనున్నారు.మొత్తానికి ఇంటర్నెట్ లోతెలుగు వినియోగంలో మంచి రోజులు రానుండటం నిజంగా మనకు శుభవార్తే.
No comments:
Post a Comment