సేంద్రియ, సమగ్ర వ్యవసాయ క్షేత్రం

నా పాతికేళ్ల వ్యవసాయ పాత్రికేయ ప్రయాణంలో  ఇంత వైవిధ్యం ఉన్న తోటను నేను చూడటం ఇదే తొలిసారి. రంగారెడ్డి జిల్లా మహేశ్వరం మండలం అమీర్ పేట గ్రామంలో ఉన్న ఈ అటల్ బిహారీ వాజపేయి ఉద్యాన క్షేత్రం సుఖవాసి హరిబాబు గారిది. కేవలం పదేకరాల్లో వందకు పైగా దేశ, విదేశీ పండ్ల చెట్లతో పాటు 10 వేల మొక్కలు, చేపలు, కోళ్లు, జీవాలు, పశువులతో సమగ్ర వ్యవసాయానికి సిసలైన చిరునామాగా నిలుస్తోన్న ఈ సేంద్రియ , ప్రకృతి వ్యవసాయ క్షేత్రం ను చూసి తీరాల్సిందే. హేట్సాఫ్  హరిబాబు గారు.

రుణాల అందుబాటే రైతుకు పెను సమస్య!

దేశంలో నూటికి 70 శాతం మంది రైతులకు సంస్థాగతంగా పంట రుణాలు అందడం లేదు. సేద్యంలో ఎన్నో ఇబ్బందులకు మూలమైన రుణ సమస్యపై నేను రాసిన వ్యాసాన్ని అన్నదాత మాసపత్రిక  జూన్ సంచికలో ప్రచురితమైంది.

అన్నదాత మాసపత్రిక జూన్‌ సంపాదకీయం

అన్నదాత మాసపత్రిక జూన్‌, 2019 సంచిక కవర్‌పేజి, సంపాదకీయం.
                                                                       

సేంద్రియ సేద్యంతో సిరులు

నేలలు, మానవారోగ్యాన్ని కాపాడుకోవాలంటే  సేంద్రియ వ్యవసాయ విధానాలే శరణ్యం. అయితే వీటికి ధ్రువీకరణ తో పాటు ప్రత్యేక ధరలు ప్రకటించి ప్రత్యేక మార్కెటింగ్ ను కల్పించాలిన బాధ్యత కేంద్ర,రాష్ట్ర ప్రభుత్వాలదే అంటూ నేను రాసిన వ్యాసాన్ని ఈ రోజు ఈనాడు ప్రచురించింది.

సీజన్ ముంగిట రైతుకు కష్టాలు

సీజన్‌ ముంగిట ఎన్నికల నిబంధనలంటూ విత్తనాల పంపిణీ మొదలు కాలేదు. రుణ ప్రణాళికలు ఖరారు కాలేదు. పాత రుణమాఫీ లెక్కలు పూర్తి కాలేదు. ఖరీఫ్‌ సీజన్‌ ఆరంభానికి మరికొద్ది రోజులున్న తరుణంలో సన్నద్ధంగా ఉండాల్సిన యంత్రాంగం ఇలా నిస్తేజంగా ఉండటంపై నేను రాసిన వ్యాసాన్ని ఈ రోజు   ఈనాడు ప్రచురించింది.

వరి కి విలువ జోడిస్తేనే లాభం!

ఉత్పత్తిని అదే రూపంలో కంటే విలువ జోడిస్తేనే ధర అధికంగా పలుకుతుంది. ముఖ్యంగా మద్ధతు ధరలు దక్కని వ్యవసాయోత్పత్తుల విషయంలో విలువ జోడింపు సరైన పరిష్కారం. కాకపోతే ఇవి రైతులు స్వయంగా చేసుకునే అవకాశం లేదు. కుటీర పరిశ్రమల స్ధాయిలో ఎక్కడికక్కడ వీటిని ప్రోత్సహిస్తే అన్నదాతలకు మంచి ధరలు దక్కుతాయి. బియ్యానికి విలువ జోడింపు అవకాశాల గురించి నేను రాసిన వ్యాసాన్ని అన్నదాత మాసపత్రిక మే సంచిక ప్రచురించింది.
                                                                       

లాభసాటి సేద్యానికి ఇదే మార్గం!

సేద్యాన్ని సంప్రదాయ పద్ధతుల్లో కాకుండా మార్కెట్ నైపుణ్యంతో వాణిజ్య సరళి లో చేయగలిగితేనే వ్యవసాయం లాభసాటిగా మారుతుందంటూ నేను రాసిన వ్యాసాన్ని ఈనాడు ఈ రోజు ప్రచురించింది.